പുതുനാമ്പുകൾ

അകലട്ടെ തിന്മകളത്രയും ക്രൂരകൃത്യങ്ങളും
അണയാതിരിക്കട്ടെ മനുഷ്യത്വമുള്ളിലെപ്പോഴും
കേൾകണാമെല്ലായ്പൊഴും ശുഭകാര്യങ്ങളത്രയും
കലാപങ്ങളില്ലാതിരിക്കട്ടെ ഇനി വരും കാലമെങ്കിലും
കറങ്ങീടവേ കാലചക്രമതങ്ങനെ കാലമാം വൃക്ഷത്തിൻ
ശിഖര നൂറ്റാണ്ടിൽ നിന്നുമാ വർഷമാകുമില പൊഴിഞ്ഞു പുതു
തളിരില കൂടെ പൂക്കും പുതു സ്വപ്നങ്ങളും
വർഷമാമനുഭവ രുചിക്കൂട്ടിൽ എരിവും പുളിയും  മധുരവും നുകർ ന്നീടുകിൽ
ഹൃദയത്തിൽ പാഥേയമാം ഓർമ്മ പ്രതീക്ഷതൻ നവീനപ്രഭാതങ്ങൾ
തുടിക്കുമായാത്ര തുടരാമിനി വരും ദിനങ്ങളിൽ
ഒരു പുഞ്ചിരിയെങ്കിലും കൊടുപ്പാം, തണലാവട്ടെ
നന്മ തൻ വൃക്ഷതൈകൾ തളരുന്നവർക്ക് .